விபச்சாரிகள் தமது வாடிக்கையாளர்களுக்கு சேவையாற்றுவதற்கு வசதியாக வாகனத் தரிப்பிடங்களில் பாலியல் பெட்டிகளை நிர்மாணிப்பதற்கு ஆதரவாக சுவிட்ஸர்லாந்து மக்கள் வாக்களித்துள்ளனர்.
சுவிஸின் சூரிச் நகரப் பகுதியில் விபசாரிகள் விபசார நடவடிக்கையில் ஈடுபடுவதற்காக சுமார் 40 கோடி ரூபா செலவில் இந்த பெட்டிகள் அமைக்கப்படவுள்ளன.
சூரிச் நகரில் வேகமாக விஸ்தரிக்கப்பட்டு வரும் சிவப்பு விளக்குப் பகுதியில் 24 மணித்தியாலங்களும் செக்ஸ் காட்சிகளை பார்க்கவேண்டியிருப்பதாக அங்கு வசிக்கும் மக்கள் தெரிவித்த முறைப்பாட்டையடுத்து, விபசாரிகளின் சேவைகளுக்காக கார் அளவிலான பாலியல் பெட்டிகள் எனப்படும் மறைவிடங்களை அமைக்கும் திட்டம் முன்வைக்கப்பட்டது.
'அவர்கள் பட்டப்பகலில் அனைத்து நடவடிக்கைகளையும் மேற்கொள்கின்றனர். நாங்கள் அதனை பார்த்து சகித்துக்கொள்ள முடியாதுள்ளது' என உள்ளூர்வாசியொருவர் தெரிவித்துள்ளார்.
பொலிஸ் பேச்சாளரான ரெடோ கசனோவா தெரிவிக்கையில், 'நாங்கள் விபசாரத்தை ஒழிக்க முடியாது. அதனால் நாம் அதனை எவ்வாறு கட்டுப்படுத்துவது என்பதை கற்றுக்கொள்ள வேண்டும்' என தெரிவித்துள்ளார்.
இதேவேளை தொழிலாளர்களுக்கு வழங்கப்படும் சம்பளத்துடனான வருடாந்த விடுமுறையை 4 வாரங்களிலிருந்து 6 வாரங்களாக அதிகரிக்க வேண்டும் என்ற தொழிற்சங்கங்களின் கோரிக்கைக்கு எதிராக சுவிஸ் மக்கள் வாக்களித்துள்ளனர்.
பாலியல் பெட்டிகள், விடுமுறை நீடிப்பு உட்பட 5 விடயங்கள் தொடர்பாக சுவிட்ஸர்லாந்தின் கென்டோன் எனப்படும் 26 மாகாணங்களிலும் சர்வஜன வாக்கெடுப்பு நடத்தப்பட்டது. இதில் மூன்றில் இரு பகுதி கென்டோன்களிலுள்ள மக்கள் விடுமுறை நீடிப்புக்கு எதிராக வாக்களித்தனர்.
இத்தீர்மானத்தை வர்த்தகத் தலைவர்கள் வரவேற்றுள்ளனர். இவ்விடுமுறை நீடிப்புத் திட்டம் அங்கீகரிக்கப்பட்டிருந்தால் அது சுவிஸ் பொருளாதாரத்திற்கு 600 கோடி சுவிஸ் பிராங் பாதிப்பை ஏற்படுத்தியிருக்கும் என மதிப்பிடப்பட்டிருந்தது.
இந்திய
அணியின் முன்னாள் நட்சத்திரச் சுழற்பந்து வீச்சாளர் அனில் கும்ப்ளேயுடன்
இணைந்து செயற்படுவது மகிழ்ச்சியாக உள்ளது என்று இலங்கை அணியின் முன்னாள்
சுழற்பந்து வீச்சாளர் முத்தையா முரளிதரன் தெரிவித்துள்ளார்.எதிர்வருகிற ஐ.பி.எல் போட்டிகளில் முத்தையா முரளிதரன், ரோயல் சலஞ்சர்ஸ் பெங்களூர் அணி சார்பாக விளையாட ஒப்பந்தம் செய்யப்பட்டுள்ளார்.
