அமெரிக்க தீர்மானத்தின் எதிரொலி: இலங்கை அமைச்சரவையில் மாற்றம் வரலாம்!

இலங்கைக்கு எதிரான தீர்மானம் ஐக்கிய நாடுகள் சபையின் மனித உரிமைகள் பேரவையில் நிறைவேற்றப்பட்டு உள்ளது.

அமெரிக்காவால் முன்வைக்கப்பட்டு இருந்த இத்தீர்மானத்துக்கு ஆதரவாக 24 நாடுகள் வாக்களித்தன.

இத்தீர்மானத்துக்கு எதிராக 15 நாடுகள் வாக்களித்தன.

08 நாடுகள் வாக்கெடுப்பில் பங்கேற்கவில்லை.


இப்பிரேரணையை ஆதரித்து இலங்கைக்கு எதிராக இந்தியா வாக்களித்திருக்கின்றது.
இது சர்வதேச அரசியல் அரங்கில் மிக முக்கியத்துவம் வாய்ந்த விடயமாக அரசியல் அவதானிகளால் நோக்கப்படுகின்றது.
இலங்கைக்கும் இந்தியாவுக்கும் இடையிலான இராஜதந்திர உறவுகளில் இது பாரிய தாக்கத்தை ஏற்படுத்தும் என நம்பப்படுகின்றது.
ஆஸ்திரியா, பெல்ஜியம், பெனின், கம்ரூன், சிலி, கொஸ்தாரிகா, செக் குடியரசு, குவாத்தமாலா, ஹங்கேரி, இந்தியா, இத்தாலி,லிபியா, மொரிசியஸ், நைஜீரியா, பேரு, போலந்து, மால்டோவா, ரூமேனியா,ஸ்பெயின், சுவிஸ், அமெரிக்கா, உருகுவே ஆகிய நாடுகள் பிரேரணைக்கு ஆதரவாகவும், பங்களாதேஸ், சீனா, கொங்கோ, கியூபா, ஈகுவடோர், இந்தோனேசியா, குவைத், மாலைதீவு, பிலிப்பைன்ஸ், கட்டார், ரஸ்யா, சவுதி அரேபியா, தாய்லாந்து, உகண்டா, மௌரித்தானியா ஆகிய நாடுகள் பிரேரணைக்கு எதிராகவும் வாக்களித்து இருக்கின்றன.

அங்கோலா, ஜோர்தான், கிர்கிஸ்தான், மலேசியா, செனிகல், புர்கினா பார்சோ, பொட்சுவானா, ஜிபூட்டி ஆகிய நாடுகள் வாக்கெடுப்பில் பங்கேற்கவில்லை.

இலங்கையின் தேசிய நல்லிணக்க ஆணைக் குழுவின் பரிந்துரைகளை அமுல்படுத்த வைப்பதே இப்பிரேரணையின் நோக்கம் என அமெரிக்கா தெரிவித்து உள்ளது.

இலங்கை அரசால் இறுதி யுத்தத்தின்போது மேற்கொள்ளப்பட்டன என்று கூறப்படுகின்ற போர்க் குற்றச்சாட்டுக்கள் சம்பந்தமாக ஐ. நா சபையில் தீர்மானம் ஒன்று நிறைவேற்றப்பட்டு இருப்பது இதுவே முதல் தடவை ஆகும்.

இருப்பினும் இது சம்பந்தப்பட்ட நிழல் யுத்தம் சர்வதேச அரங்கில் தொடரும் என்பதும் இலங்கையின் எதிர்கால இராஜதந்திர நகர்வுகளை இன்றைய வாக்கெடுப்பு தீர்மானிக்கும் என்றும் தெரிகின்றது.

இலங்கையின் அமைச்சரவையில் மாற்றம் ஒன்று விரைவில் கொண்டு வரப்பட கூடும் என்றும் மனித உரிமைகள் அமைச்சு, வெளியுறவு அமைச்சு ஆகியவற்றுக்கு வேறு அமைச்சர்கள் நியமனம் பெற கூடும் என்றும் தெரிகின்றது.

அதே நேரம் ஐக்கிய நாடுகள் சபைக்கான இலங்கைத் தூதுவர்கள் மற்றும் இராஜதந்திரிகள் மாற்றப்படலாம் என்றும் புதிதாக தமிழர் ஒருவர் சுவிஸிற்கான இலங்கைத் தூதுவராக அரசியல் நியமனம் பெற கூடும் என்றும் வெளிவிவகார அமைச்சு வட்டாரங்கள் தெரிவிக்கின்றன.

காதலிக்க நேரமில்லாத தம்பதியரா? இதப் படிங்க !

ஐந்து இலக்க சம்பளம், மல்ட்டிநேசனல் கம்பெனி வேலை என இன்றைய இளையதலைமுறை நிறையவே மாற்றங்களை சந்தித்து வருகிறது. தம்பதியர் இருவரும் வேலைக்கு செல்வதால் இருவரும் தங்களின் காதலை சரியாக பகிர்ந்து கொள்ளக்கூட நேரமிருப்பதில்லை.
காலை நேரத்தில் அவசரமாக கிளம்பவும், மாலையில் அயர்ச்சியாக திரும்பி வந்து உறங்கவும்தான் முடிகிறது. இதனால் இல்லற வாழ்க்கை ஒருவித வெறுமை நிரம்பியதாக மாறிவிடுகிறது. நாளடைவில் விரிசலையும் ஏற்படுத்திவிடுகிறது. இதனை தவிர்க்கவும், இல்லறத்தை உற்சாகம் மிக்கதாக மாற்றவும் ஆலோசனை கூறியுள்ளனர் உளவியல் நிபுணர்கள். படித்து பாருங்களேன்.

குடும்பத்திற்கான நாள்

இப்பொழுதெல்லாம் 5 நாள் வேலை 2 நாள் விடுமுறை என்றாகிவிட்டது. எனவே விடுமுறை நாட்களை குடும்பத்திற்கென ரிசர்வ் செய்யுங்கள். அதில் எந்த கமிட்மென்ட்டும் வேண்டாம். துணையுடன் அமர்ந்து பேசவும், காதலை வெளிப்படுத்தவும் அந்த நாட்களை பயன்படுத்திக்கொள்ளுங்கள். ஜாலியாக வெளியில் சென்று ஐஸ்கிரீம் சாப்பிடலாம், திரைப்படத்திற்கு செல்லலாம். இது உங்களின் காதல் வாழ்க்கையை உற்சாகப்படுத்தும்.

நோ மிஸ்டு கால்

என்னதான் தலை போகிற வேலையாக இருந்தாலும் மனைவி அழைத்தால் அந்த போனை எடுத்து பேசுங்கள். அதை எடுக்காமல் மிஸ்டு காலாகும் பட்சத்தில் உங்கள் வாழ்க்கையும் மிஸ் ஆகும் சூழல் உருவாகும். இப்பொழுது இருக்கும் தகவல் தொழில்நுட்ப வளர்ச்சியில் ஆயிரம் முறை ஐ லவ் யூ எஸ்எம் எஸ் அனுப்பலாம். மெயில், சாட்டிங், என ஏதாவது ஒரு விதத்தில் பணிச்சூழலுக்கு இடையே துணையுடன் உரையாடுங்கள். அது பணிச்சுமையை குறைக்க உதவும்.

இன்ப அதிர்ச்சி

வேலைக்காக உங்கள் துணைவி பேருந்தில் சென்று வருகிறார் என்றால் அவருக்கு இன்ப அதிர்ச்சி அளிக்கும் வகையில் அலுவலகத்தில் இருந்து அவரை அழைத்து வரலாம். அவ்வப்போது வரும் வழியில் உள்ள உணவகங்களிலேயே அமர்ந்து டிபன், ஐஸ்கிரீம் என சாப்பிடுவது இருவருக்குமே உற்சாகத்தை அதிகரிக்கும். அதேபோல் கணவருக்கு பிடித்தமான ஆடைகளை அயர்ன் செய்து வைப்பது ஒருவருக்கொருவர் செய்து கொள்ளும் சின்ன உதவிகள்தான் உள்ளத்தில் காதல் உணர்வுகளை உற்சாகப்படுத்தும்.

அன்பார்ந்த பரிசுப்பொருள்

தங்கம், வைரம் என விலை உயர்ந்த பரிசுப்பொருட்களை வாங்கி குவித்தால்தான் துணைவிக்கு பிடிக்கும் என்றில்லை. உங்களின் உணர்வுகளை, ரசனைகளை துணையுடன் பகிர்ந்து கொண்டாலே போதும் அதுவே அவருக்கு நீங்கள் தரும் மிகப்பெரிய பரிசுப்பொருள். உங்களுக்கு வரும் நல்ல நகைச்சுவை துணுக்குகள், பேஸ்புக், டுவிட்டரில் உங்களுக்கு கிடைத்த நல்ல படங்கள் என துணையின் மெயிலுக்கு அனுப்புங்கள். உங்களுக்கு இடையேயான காதல் பற்றிப் படரும்.
சின்ன சின்ன உதவிகள்
வீட்டு வேலைகளில் செய்யும் சின்ன சின்ன உதவிகள் துணைவியின் இதயத்தை வெல்லும் எளிய வழி. சமையலில் உதவி செய்யும் போது நடக்கும் சின்ன சின்ன ரொமான்ஸ்கள் அன்றைய நாள் முழுவதும் நீடிக்கும் அலுவலகப் பணியை உற்சாகத்துடன் செய்யலாம். பணிக்கு செல்லும் இளம் தம்பதியரே இதை பின்பற்றிப் பாருங்களேன். மன அழுத்தம் எதுவும் இன்றி வாழ்க்கையை உற்சாகமுடன் தொடரலாம்.